6. mailako ikasleek plastika saioetan egindako maketen erakusketa jarri dute aretoan. Taldeka, maketa bakoitzaren azalpena eman die gerturatutako guztiei. Lan bikaina!

Ikasturtea bukatzear dagoela eta eguraldi ona aprobetxatuz, Lizeoko guztiok irteera egin genuen ostiralean. Inguruko txoko ezberdinetan sakabanatu ginen: ur parkean, herriko parke ezberdinetan, Lazkaon, Oiangun…

2 urtekoak ikastetxean gelditu ziren arren, ur festa egiteko aprobetxatu zuten!

2. mailako ikasleek herria landu dute gelan. Lan hori borobiltzeko, Igartza bisitatu dute. Arreta handiz entzun dituzte bertako gidaren hitzak.

5. mailako ikasleak Leintz Gatzagara joan ziren egun pasa. Gatza ateratzeko errota ikusteko aukera izan zuten.

5. mailako ikasleak Ordiziako Suhiltzaile etxean egon ziren. Bertan dauden instalazioak ikusi eta nola lan egiten duten ikusteko aukera paregabea izan zuten.

Hiru egun pasa dituzte 6. mailako ikasleak Irrisarri-Land-en.

Abentura izugarria bizitzeko aukera izan dute bertan, tirolinak, tibetar zubia, zentzumenen ibilbidea… Esperientzia polita benetan!

HH 4 urtekoak Donostiako Aquarium-en egon dira, espezie askotariko arrainak ikusteko eta itsas ingurunea ezagutzeko aukera izan dute bertan.

Esperientzia polita izan da eta eguna borobiltzeko Zubietara joan dira arratsaldea pasatzera.

Buruhaundi eta erraldoietaz gozatzeko aukera paregabea izan dute 5 urtekoek Fotoetxeko Joxe Mari eta Konpartsako Unairi esker!

5 urtekoak Tolosako Topic txotxongilo museoan egon ziren eta mundu guztiko txotxongiloetaz gozatzeko aukera izan zuten. Ondoren Aramara joan ziren bazkaldu eta arratsaldea pasatzera.

3 urtekoek egun pasa egin zuten. Lasarteko Monkey Parken goiza saltoka pasa ondoren, Zubietara joan ziren bazkaldu eta jolastera!

4 eta 5 urteko ikasleak Usurbe antzokian egon dira Tinkok antolatutako Grufaloa pelikula ikusten.

1.go eta 2. ikasleek Musika Eskolako irakasleen bisita izan dute. Instrumentu ezberdinak entzun eta probatzeko aukera izan dute. Ea orain, musikarako zaletasuna piztu eta etorkizuneko musikariak sortzen ditugun!

4. mailakoak Goierri ezagutzen ibili dira. Gelan lanketa egin ondoren, ibilaldia egin zuten Segura, Zerain eta Gabiri ezagutuz. Segurako historia ezagutzeko aukera izan zuten. Zeraingo gartzelan harrituta gelditu ziren eta Gabirin ederki pasa zuten jolasean!

2. mailako ikasleak Pasaiako Piraten etxean egon dira bi egunez. Hainbat ekintza egin dituzte eta denetan erakutsi dute beraien pirata sena: altxorraren bila, itsasontzian paseoa… Nekatuak baina pozik bueltatu dira!

Agustin Ibarrolaren "Omako Basoa" oinarri hartuta, 4 urteko haurrek artelana egin dute gure eskolako basoan irudikatuta. Hau bai artista kuadrila!

“Zuhara, itsasoaren deia” liburuaren idazlea den Amaia Telleria eta ilustratzailea den Laida Ruiz ikastetxean izan ditugu zuzenean.

5. eta 6. mailakoak egon dira beraiekin. Saio dinamikoa egin dute eta kontakizun, antzezpen eta zuzeneko ilustrazioekin gozatzeko aukera bikaina izan dute.

5 urteko A taldekoak Beasainen barrena ibili dira argazki zaharrak gaur egungo lekuekin lotzen. Igartza, tren geltokia, udaletxea, eliza, azoka… ezagutzeko aukera izan dute. Haur Hezkuntzako praktikak egiten ari den ikaslea izan dute gidari lan honetan gelako irakaslearekin batera. Lan interesgarria izan da eta haurrak asko ikasteaz gain oso gustora ibili dira.

Ekoizle eta adituen eskutik, bertako eta garaian garaiko elikagai osasuntsuak kontsumitzeko  ohitura hedatzeko helburuz, Beasaingo Udalak gonbidatuta, 5. mailako ikasleak azokan izan dira beste ikastetxe batzuetako ikasleekin batera.

6.mailakoak Donostiako Kursalen egon dira Ravelen Boleroaz gozatzen. Orkestraren emanaldi ikusi eta entzuteaz gain, beraiek ere emanaldiaren partaide izan dira. Eguraldi ona aprobetxatuz, Donostian gelditu dira egun pasa!

Deustuko Unibertsitatearekin lankidetzan  Naiara Goia gure  ikastetxeko guraso eta Inspira Steameko mentoreak eta 6. mailako irakasleek emakumeak zientzia arloan ahalduntzeko hainbat saio burutu dituzte aurten ere. Aste honetako saioan  ebatzi nahi duten erronka bati aurre egiteko edo gizarte arazo bati irtenbidea proposatzeko enpresa bat sortu dute taldeka. Beraien enpresan STEAMek eta gaitasun ezberdinek egingo duten ekarpena azpimarratu dute. Osasun mentala, Plastikoak itsasoan desagertzea, Animaliak ondo tratatzea eta Gazteentzat lanpostu onak  lortzea helburu duten enpresa ideiak garatu dituzte.

Beasaingo Udalak antolatuta, urtero legez 6. mailako ikasle batzuk herriko zuhaitz landaketan parte hartu dute. Aurten Sagastigutin egin dute landaketa. Eguraldi ezin hobea izan dute lagun.

Martxoak 8ko aldarrikapenekin bat egin dute gure ikasleek. Hainbat ekintza burutu dituzte ikastetxean bertan. Hortaz gain, Alkartasuna Lizeoko ordezkari gisa, 3. zikloko ikasle batzuk Beasaingo plazan elkartu dira gainontzeko ikastetxeetako eta Udaleko ordezkariekin batera. 

2023ko Inauteriak primeran pasa ditugu! Ostiraleko eguraldi bikaina aprobetxatuz, etxeko trapu zaharrak jantzi eta herrian zehar desfilea egin dugu. Plazan Inauterietako dantzak egin eta ondoren, ohiturari jarraituz Miel Otxin erre dugu. Pena hartu badugu ere, geroz eta gutxiago falta da hurrengo Inauterietarako!

6. mailako ikasleek Serigrafia tailerra izan dute Xabier Anuntzibai guraso eta artistaren eskutik. Iaz sarrerako murala margotu zuten elkarrekin eta aurten mural horretako detaile bat aukeratu eta hori kamiseta batean serigrafiatzen ikasi dute. Ondo pasa eta gauza berriak ikasteaz gain, dotore ibiliko dira ikasleak kamiseta berriarekin!

Beasaingo Alkartasuna Lizeoko 6. mailako ikasleak, Elkartasun Programa garatzen ari dira Herriak Elkarlanean erakundearekin batera, eta horren barruan, hainbat ekintza burutu dituzte; abenduan, merkatu txikia eta Gabonetan kantu eskea egin zuten. Bi ekintza horiekin, 2.084,54 euro bildu zituzten, eta Herriak Elkarlanean erakundeari bideratu diote. Jasotako diru horrekin Haitin ikastetxe bat eraikitzen jarraituko dute eta bertako familientzako janaria ere bideratu dute.

Gabonetan, Batxilergoko ikasleak antolatutako “Lizeo futbol txapelketan” Alkartasuna Lizeoko 6. mailako  ikasle talde batek irabazi zuen kopa .

Zorionak Lizeoko Basatiak! 

Urtarrilaren 20a San Sebastian eguna dela eta, ikastetxeko txikienek danborradan parte hartu dute. 2 urtekoek goizez ospatu dute gelan. 3, 4 eta 5 urtekoek aldiz, arratsaldean portxean astindu dituzte danborrak!

LH 4, 5 eta 6. mailakoak Usurbe antzokian egon dira Tinkok eskeinitako Elkano pelikula ikusten. Mundu mailan ezaguna den pertsonaiaren bizitzaren berri ezagutzeko aukera izan dute; euskaraz gainera!

Gabonen atarian gaudela eta, bisita polita jaso dugu gaur ikastetxean, Olentzero eta Mari Domingi etorri zaizkigu!

Astoa frontoiaren atzeko aldeko langan lotuta utzi eta Haur Hezkuntza eta 1.go eta 2. mailatik pasa dira ikasleen eskutitzak jasotzera. Gela bakoitzean jateko paxientzi poltsa bana utzi digute, bihar gauera arte pazientzia izan dezagun!

Beasaingo Udalak antolatutako Gabonetako marrazki lehiaketan hauek izan dira Alkartasuna Lizeoko maila bakoitzeko irabazleak:

1. maila: Jare Salaberria

2. maila: Maddi Murua

3. maila: Izaro Azurmendi /Izaro Aldasoro

4. maila: Arene Ayerza

5. maila: Haizea Altuna

6. maila: Maider Iruretagoiena

30€ko bonoa irabazi du bakoitzak herriko hainbat dendetan trukatu ahal izateko.

Gabon giroa nabari da jada gure ikastetxean. Haur Hezkuntzako irakasleak fin ibili dira inguruak apaintzen!

Azaroak 25 eguneko ekintzak direla eta, Beasaingo Udalak proposatutako dantza egin dute Lehen Hezkuntzako ikasleek.

Azaroak 25eko ekintzak direla eta, Haur Hezkuntzako ikasleek ere gelan lanketa egin dute.

3. mailako ikasleak Urrelur museoan egon ziren joan zen ostiralean.

Fosil eta mineral ezberdinei buru hitz egin zieten bertan eta tailer batzuetan era parte hartu zuten. Izugarri gustatu zitzaien dinosaurioen erakusketa, egun bikaina izan zen, guztiz gomendagarria!

Joan den ostegunean 1. mailako ikasleak Usurbe antzokian egon ziren “Zutik” filma ikusten. Naturak gure egunerokotasunean duen garrantziaz eta teknologia berriek duten eraginaren inguruan hausnartzeko aukera izan zuten pelikula honekin.

Herrilab3Bk antolatuta Beasainen hainbat ekintza antolatu dira kontziliazio parekidea bultzatu nahian. Ikasleekin egin dugun ekintzetako bat ipuin kontalariarena izan da. Ipuin klasikoak ardatz hartuta, Maite Arresek kontziliazioaren inguruan hausnartzera animatu ditu ikasleak.

4.mailakoak Oñatiko Natur Eskolara joan ziren. Bertako basoaz gozatuz EKOSISTEMA gaiaren inguruan ikasitako guztia bertatik bertara ikusteko aukera izan zuten. Asko ikasteaz gaina, primeran pasa zuten!

HH 4 urtekoak Barandiaran museorako  irteeran taloak egiten eta dastatzen oso gustora ibili ziren. Bertan dagoen errota ezagutu zuten eta magikoa izan zen artirina nola egiten zuten ikustea. Goiz zoragarria pasa zuten autobuseko joan-etorriarekin batera.

5 urtekoak izan dira aurtengo lehenengo irteera egin dutenak! Eureka Zientzia museoan ibili ziren gustora asko zientziarekin saltseatu eta animaliak ezagutuz!

Ikasturteari bukaera emateko, 2. mailakoak altxorraren bila ibili dira Lizeoko eremuan. Aurkitu ote dute altxorra? Guretzak zuek, ikasleak, zarete gure altxorra! Ondo pasa oporrak! 

Egindako beroei aurre egiteko, HH 3  urtekoek ur festa egin zuten ikastetxeko parkean. Gustora ibili ziren busti edo ez busti horretan!

Ikastetxeko gure txikiek ere egin dute irteera! Autobusean sartu eta Gabirira joan dira goiz pasa! Bertanparkean eta frontoian jolastu eta hamaiketakoa jan dute. 

Bero ikaragarri honi aurre egiteko, uretan bustitzea bestelakorik ez dago!! Horixe egin dute 4 urtekoek ur parkean! Goiz pasa ederra egin dute.

Egun hauetako beroei aurre egiteko, zer hobe ur parkean freskatzea baino!!! Gustora ibili dira 1. eta 2. mailakoak uretan!

HH 5 urtekoak Atauna joan dira goiz pasa. Errota eta museoa ikusi zituzten eta Tortoren bisita ere izan dute, a ze sorpresa!!

LH 3. mailakoak Sagastigutira joan dira goiz pasa. Inguruak ezagutu eta zuhaitzen gerizpean freskuran jolasteko aukera paregabea izan dute!

Lehenengo eguna Araian pasa ondoren, itsasontzia hartu eta Zuhatza irlara joan ziren 6. mailakoak. Bi gau egin zituzten bertan. Uretako ekintza ezberdinak egiteko aukera izan zuten; gustora ibili ziren!

Eureka Zientzia museoan izan dira  5. mailako ikasleak. Museoa ikusteaz gain, ekintza ezberdinetan ere ederki pasa dute eguna!

3. mailakoak Beasaingo auzoak ezagutzen ibili dira: Arriaran, Garin, Astigarreta eta Matxinbenta. Bizilagunengandik zuzeneko  informazioa jaso dute. Matxinbentan mugarria ere ikusi dute: Beasain, Azpeiti eta Ezkio-Itsaso banatzen dituena. Zenbat ikasi duten!

LH 1.go mailakoak Larraitzen egon dira egun pasa. Txindokiko Itzalan tirolinetan primeran ibili dira eta Abaltzizketarainoko ibilaldia ere egin dute!

Haur Hezkuntzan Mugimendu Autonomoa martxan jartzen hasi gara eta horretarako, Berritzegune Nagusiko adituekin batera 5 urtekoen gelak berrantolatu ditugu. Gela txukun eta politak jarri ditugu!

HH 4 urtekoak Donostiako Aquariumen egon ziren itsas ekosistemako animaliak ezagutzen!!

Ondoren Zubietara joan ziren bazkaltzera.

Egun ederra pasatu zuten!!

HH 3 urtekoak Lasarteko Monkey Parken saltoka pasa zuten goiza eta ondoren, eguraldi bikaina aprobetxatuz, Aramara joan ziren. Egun ahaztezina izan zen!!

Los de HH 3 años pasaron la mañana saltando en el Monkey Park de Lasarte y después, aprovechando el estupendo tiempo, fueron a Arama. ¡Un día inolvidable para los niños!

LH 2. mailakoak Ekainberrin egon ziren. Ekaingo kobazuloan garai batean nola bizi izan ziren ikusi zuten eta bertako zaldien margoak egiten ere aritu ziren. 

Los alumnos de 2º de LH estuvieron en Ekainberri. Vieron cómo vivían antaño en la cueva de Ekain y también se dedicaron a hacer pinturas de caballos como lo hacían en las cuevas.

Eskola Agenda 2030eko urteroko Udal audientzian, herritarrak berdeguneen garrantziaz kontzientziatzea eta ibaia zein berdeguneak garbiago mantentzeko proposamenak egin dituzte Beasaingo ikastetxe ezberdinetako ikasleek.

Leire Artola alkatea eta Adur Ugartemendia Lurraldea saileko batzordeburua izan dira bertan, ikasleek egindako proposamenei Udalak abiarazi dituen ekimenak eta hartu dituen neurriak azalduz.  

En la audiencia municipal anual de Agenda Escolar 2030, los alumnos de los diferentes centros escolares de Beasain hemos hecho propuestas para concienciar a la ciudadanía de la importancia de las zonas verdes y mantener más limpio el río y las zonas verdes.

Han estado presentes la alcaldesa Leire Artola y el presidente de la comisión del departamento Territorial, Adur Ugartemendia, explicando  las iniciativas que ha emprendido el Ayuntamiento y las medidas que ha tomado a las propuestas realizadas por los alumnos.

Liburuaren Nazioarteko Egunean, Alkartasuna Lizeoko Amets Elorza, Markel Lizarralde eta Lara Barandiaran ikasleak Igartzan izan dira idazlan lehiaketako sariak jasotzen. Zorionak hirukote!

HH 4 eta 5 urtekoak Usurbe zineman egon dira “Ipuin herriko berriak” pelikula ikusten. Zinema euskaraz ikusteko aukera paregabea!

HH 5urtekoak Eureka Zientzia Museoan ibili dira bertako tresna guztiak saltseatu eta animaliak behatuz. Zientzia ikasteko modu aproposa!

LH 4. mailakoek goiz pasa egin dute Donostian, Kursalen. Euskadiko Orkestraren “Botadun katua” kontzertuaz gozatzeko aukera izan dute.

Zientzia-esperimentazio ekosisteman giza gorputza landu dute HH5ekoek. Gelan pizzak egin dituzte eta norberak nahi duen moduko aurpegia irudikatu du bertan. Bukatutakoan hamaiketako ederra egin dute!

Lh5. eta 6. mailakoek munduko zein Goierriko emakume ezberdinen bizitzak landu dituzte aurreko egunetan.

Martxoaren 8an landutako guztia elkarbanatu zuten Beasaingo plazan zein udaletxean.

Laugarren mailako ikasleak Arritxulon egon gara hiru egunez. Primeran pasa dugu, ekintza asko egin ditugu, hala nola, euskal jolasak, altxorraren bila, tailerrak etab. Otordu goxo-goxoak izan dira eta paisaia zoragarria! Txulo txulo txulo, aupa Arritxulo!

Inauteri asteartean jaialdia ospatu genuen eskolan. Zein ondo pasatu genuen!

Aurten ere LH 6. mailakoek Inspira Steam proiektuari ekin diote. Emakume zientzialarien eguna aukeratu dugu proiektua berrabiarazteko! Naiara Goia eta Haizpea Lasa izango dira aurten gure mentoreak. Inspira Steamek emakumearen autokontzeptuan, teknologiarekiko jarreran, erreferenteetan edo genero joeretan eragin nahi du.

LH 6. mailako ikasleak Urnietan egon dira aste osoan ingelesko barnetegian. Gustora ibili dira eta ingelesez asko hobetu dute!

LH 1.go mailakoak Donostiara joan dira goiz pasa Euskadiko Orkestra Circus ikustera. Izugarri gozatu dute musikaz!

Egun hauetan LH 1.mailakoak udal liburutegira joateko aukera izan dute. Bertan liburuez gozatzeaz gain, mailegu zerbitzuarekin gelara ere ekarri dituzte liburu batzuk.